1․ Ցեղասպանության իրավական ձևակերպումը
Ցեղասպանության առաջին իրավական ձևակերպումը տրվել է 1948 թ․ դեկտեմբերի 9-ին ՄԱԿ-ի Գլխավոր ասամբլեայի կողմից ընդունված «Ցեղասպանության հանցագործությունը կանխելու և դրա համար պատժի մասին կոնվենցիայով»։
Ըստ այդ փաստաթղթի, ցեղասպանություն է համարվում հետևյալ գործողություններից որևէ մեկը, եթե դրանք կատարվում են որևէ ազգային, էթնիկ, ռասայական կամ կրոնական խմբի ոչնչացման նպատակով․
- խմբի անդամների սպանություն,
- նրանց լուրջ մարմնական կամ հոգեբանական վնաս հասցնելը,
- այնպիսի կենսապայմանների ստեղծում, որոնք պետք է հանգեցնեն խմբի ֆիզիկական ոչնչացմանը,
- ծնելիության կանխամտածված սահմանափակում,
- երեխաների բռնի տեղափոխում մեկ խմբից մյուսին։
2․ Ցեղասպանության ենթարկված ժողովուրդներ
Բացի հայերից, պատմության ընթացքում ցեղասպանության ենթարկվել են նաև այլ ժողովուրդներ․
- հրեաներ – Երկրորդ աշխարհամարտի տարիներին նացիստական Գերմանիայում (Հոլոքոստ),
- ռուանդացիներ – Տուտսի ցեղի դեմ իրականացված զանգվածային կոտորած (1994 թ․),
- սուդանցիներ – Դարֆուրի շրջանում,
- ասորիներ և հույներ – Օսմանյան կայսրության կողմից 20-րդ դարի սկզբին։
Մհեր Մկրտչյան 