1. Որոնք են իշխանության դրական և բացասական կողմերը։
Դրական կողմերը․
- Իշխանությունը օգնում է պահել կարգուկանոնը հասարակությունում։
- Որոշումներ են ընդունվում, որոնք զարգացնում են երկիրը։
- Պաշտպանում է մարդկանց իրավունքները և ազատությունները։
- Օգնում է լուծել մարդկանց միջև առաջացած վեճերը։
Բացասական կողմերը․
- Երբ իշխանությունը չարաշահվում է, դա բերում է անարդարության։
- Որոշ ղեկավարներ կարող են որոշումներ ընդունել միայն իրենց շահերի համար։
- Եթե վերահսկողություն չկա, իշխանությունը կարող է դառնալ բռնակալական։
- Մարդիկ կարող են վախենալ արտահայտել իրենց կարծիքը։
2. Իշխանությունը առավելություն է, արտոնություն, թե․․․
Իշխանությունը և՛ պատասխանատվություն է, և՛ արտոնություն։
- Արտոնություն է, որովհետև իշխանություն ունեցողը կարող է որոշումներ ընդունել, ղեկավարել, օրենքներ առաջարկել։
- Բայց միևնույն ժամանակ մեծ պատասխանատվություն է, քանի որ այդ որոշումներն ազդում են մարդկանց կյանքի վրա։ Լավ ղեկավար լինելը նշանակում է ծառայել ժողովրդի բարօրությանը, ոչ թե միայն սեփական շահերին։
3. Ինչ միջոցներով է իշխանությունն ազդում մարդկանց վարքագծի վրա։
- Օրենքների միջոցով – մարդիկ հետևում են օրենքներին, որպեսզի խուսափեն պատժից։
- Պարգևատրման միջոցով – լավ վարքի դեպքում մարդը կարող է պարգևատրվել։
- Կրթության և քարոզչության միջոցով – պետությունը կարող է ձևավորել մարդկանց արժեքները և վերաբերմունքը։
- Պատժի միջոցով – եթե մարդը խախտում է օրենքը, նրան պատժում են՝ ազատազրկում, տուգանք կամ այլ ձևով։
4. Ինչպես, ինչ միջոցներով է պետությունը կարգուկանոն հաստատում և պաշտպանում։
- Օրենսդրություն – սահմանում է օրենքներ, որոնք բոլորն են պարտավոր պահել։
- Ոստիկանություն և բանակ – պաշտպանում են երկրի ներսում և դրսում կարգն ու անվտանգությունը։
- Դատարաններ – լուծում են վեճերը և ապահովում արդարությունը։
- Հասարակական վերահսկողություն – որոշ երկրներում ժողովուրդը կարող է վերահսկել իշխանություններին՝ ընտրությունների, մամուլի և իրավապաշտպան կազմակերպությունների միջոցով։
Մհեր Մկրտչյան 